Psa 70 | NdeIBE | STEP | Kumqondisi wokuhlabela. ElikaDavida. Isikhalazo. Phangisa, O Nkulunkulu, ungisindise; O Jehova, woza masinyane uzongisiza.

Psalms 70

1 Phangisa, O Nkulunkulu, ungisindise; O Jehova, woza masinyane uzongisiza.

2 Sengathi labo abafuna impilo yami bangayangiswa basanganiswe; sengathi bonke abafisa ukuwa kwami bangabuyiselwa emuva beyangekile.

3 Sengathi labo abathi kimi, “Ehe! Ehe!” bangafulathela ngenxa yehlazo labo.

4 Kodwa akuthi labo abakufunayo bathokoze bajabule kuwe; akuthi labo abathanda insindiso yakho bahlale besithi, “UNkulunkulu kaphakanyiswe!”

5 Ikanti ngingumyanga ngiyaswela; woza masinyane kimi, O Nkulunkulu. Ulusizo lwami lomkhululi wami; O Jehova, ungaphuzi.